Teref.az xəbər verir ki, “Yevgeni Primakovun 90 illik yubileyi və onun XX-XXI əsrin qovuşuğunda beynəlxalq münasibətlərdə rolu ilə bağlı keçirilmiş esse müsabiqəsinin iştirakçıları olan tələbə-gənclər əcnəbi tələbələrdir və Rusiya Federasiyasının vətəndaşlarıdırlar”.

Bu barədə Bakı Slavyan Universitetinin mətbuat xidməti münasibətində bildirib.
Teref.az olaraq Yevgeni Primakovun 90 illik yubileyi və onun XX-XXI əsrin qovuşuğunda beynəlxalq münasibətlərdə rolu ilə bağlı keçirilmiş esse müsabiqəsinin qaliblərinin adlarını sizlərə təqdim edirik.
"Məlumata görə, oktyabrın 15-də Rusiya Federasiyasının Azərbaycandakı səfiri Mixail Boçarnikov esse müsabiqəsinin qalibi olmuş tələbələr – Aygül Mirzoyeva, Ruzana Əliyeva, Sarana Bədəlova, Kəmalə Qasımova və Aliyə Mamalovanı qəbul edib. Görüşdə BSU-nun Elmi işlər üzrə prorektoru, professor Rafiq Novruzov, Beynəlxalq münasibətlər, regionşünaslıq və jurnalistika fakültəsinin dekanı, dosent Şirinbəy Əliyev də iştirak ediblər.

Səfir Mixail Boçarnikov tələbə-gənclərə diplomları təqdim edib."(modern.az)
Yuxarıda adları çəkilən tələbələrin Azərbaycan vətəndaşları olmadığı barədə heç bir dəlil gətirmədən Bakı Slavyan Universitetinin mətbuat xidməti onları əcnəbi tələbə elan edib.
Ümumən isə BSU-nun rəhbərliyinin verdiyi bu cavab ancaq gülünc mənbəyi ola bilər. Açıqlamadan belə çıxır ki, esseni ancaq əcnəbi tələbələr yazıb?
Bakı Slavyan Universitetinin mövqeyini işıqlandırmağa hazırıq!
Teref.az