Rusiya Federasiyasının Müdafiə Nazirliyi Mariupoldakı “Azovstal” zavodunun katakombalarını tərk edən qrupun təslim olmasını əks etdirən kadrlar yayımlayıb.

Müvafiq video hərbi idarənin rəsmi resurslarında dərc olunub.

TNS bu barədə eadaily.com saytına istinadən xəbər verir.

Kadrlardan görünür ki, Azov yaraqlılarının axtarışı zamanı onların bədənlərində Hitler, Bandera təsvirləri olan döymələr, svastika və ekstremist ədəbiyyatdan müxtəlif sitatlar var.

Qeyd: Diqqətli tamaşaçı videoya baxarkan onun rusların xeyrinə montaj olduğunu görə bilər. Sual olunur. Nəyə görə Hitler və Banderanın fotosu olduğu iddia edilən döymələri olan döyüşçülər stop kadrla, digərləri hərkətli görüntülərlə göstərilir? Biz həmin kadrların montajla o videoya daxil edilmədiyini hardan bilək? Diqqətlə baxanda aydın olur ki, Rusiya “Azov” döyüşçülərini nasist kimi dünyaya təqdim etmək üçün ən iyrənc metodlara və saxtakarlığa əl atıb.