Moldova Prezidenti Maya Sandu Beynəlxalq Cinayət Məhkəməsinin (BCM) Putinlə bağlı qərarını jurnalistlərə şərh edərkən bunları deyib:
“Beynəlxalq Cinayət Məhkəməsinin Ukraynadakı cinayətlərlə görə barəsində həbs qərarı verdiyi Vladimir Putin Moldovaya gələrsə, həbs olunacaq”.
O bildirib ki, Moldova Beynəlxalq Cinayət Məhkəməsi sazişini (Roma Statutu) imzalayan ölkədir və məhkəmənin qərarına hörmətlə yanaşacaq.
Haaqada yerləşən Beynəlxalq Cinayət Məhkəməsi 2023-cü il martın 17-də Rusiya Prezidenti Vladimir Putinin haqqında həbs qərarı çıxarıb.
Haaqa tribunalının qərarına görə, Putin hərbi cinayətlərdə, o cümlədən ukraynalı uşaqların işğal olunmuş ərazilərdən Rusiyaya qanunsuz deportasiyasında günahlandırılır.
Teref.az