Türkiyə Milli Kəşfiyyat Təşkilatı (MİT) polislə birlikdə terror təşkilatı PKK-nın Rusiyadakı fəal üzvü Bara Yusubovun tutulması istiqamətində uğurlu əməliyyat keçirib.

Təhlükəsizlik qurumlarındakı mənbələrdən Anadolu Agentliyinə verilən məlumata görə, Yusubov PKK-nın Rusiya, Qazaxıstan və Ermənistanda, eləcə də İraqdakı Mahmur düşərgəsində təbliğat işləri aparıb.

O, həmçinin təşkilat rəhbərləri ilə sıx əlaqə saxlayıb və hücumların təşkilində iştirak edib.

Türkiyə xüsusi xidmət orqanları 2020-ci ildən Yusubovu izləyir. Uğurlu əməliyyat nəticəsində terrorçu Türkiyədə yaxalanaraq məhkəməyə təhvil verilib və barəsində həbs-qətimkan tədbiri seçilib.