Dmitri Peskov: “Ərazimizdəki Koreya əsgərlərinin olması məsələsi daha çox ordumuza, müdafiəmizə aid məsələdir”

Rusiya Prezidentinin mətbuat katibi Dmitri Peskov jurnalistlərin Şimali Koreyadan Rusiyaya əsgərlər gətirilməsi ilə bağlı sualını cavabsız qoyub.

AYNA rus mediasına istinadən bildirir ki, Kreml rəsmisi bu sualın Müdafiə Nazirliyinə ünvanlanmalı olduğunu qeyd edib: “Ərazimizdəki Koreya əsgərlərinin olması məsələsi daha çox ordumuza, müdafiəmizə aid məsələdir”.

Qeyd edək ki, Kiyev Qərb Rusiya tərəfindən Şimali Koreya əsgərlərinin Ukraynaya qarşı döyüşdüyünü açıqlayıb. Pentaqon isə Kursk vilayətində Şimali Koreya hərbçilərinin döyüşməsi ilə bağlı məlumatları təsdiq edə bilməyib.

Xatırladaq ki, bu ay Rusiya Prezidenti Vladimir Putin Rusiya ilə Şimali Koreya arasındakı Hərtərəfli Strateji Tərəfdaşlıq Müqaviləsini ratifikasiya edən qanunu imzalayıb.