“Sizin dəstəklədiyiniz Suriya lideri hakimiyyətdən uzaqlaşdırılıb”

Dekabrın 19-da canlı sual-cavab zamanı NBC jurnalisti Keir Hardi Brennan-Simmons Rusiya Prezidenti Vladimir Putindən ABŞ-ın yeni seçilmiş Prezidenti Donald Trampa nə təklif edə biləcəyini soruşub.

AYNA xəbər verir ki, jurnalist Putinin “xüsusi hərbi əməliyyatın” məqsədlərinə nail ola bilmədiyini qeyd edib və həmçinin bildirib ki, “bu həftə Moskvada qətlə yetirilən general da daxil olmaqla çoxlu sayda rus ölüb”.

Brennan-Simmons həmçinin bildirib ki, “sizin dəstəklədiyiniz Suriya lideri hakimiyyətdən uzaqlaşdırılıb” və əlavə edib: “Prezident Trampla görüşəndə ​​daha zəif lider olacaqsınız. Ona nə təklif edə bilərsiniz?”.

Putin isə öz növbəsində “Rusiya bu müddət ərzində daha da güclənib” cavabını verib.

Ekspertlər bildirirlər ki, jurnalistin ifadələri və verdiyi suallar Putini qıcıqlandırıb.