NATO-nun keçmiş baş katibi (2014-2024) Yens Stoltenberq "Bilderberq klubu"na sədr təyin edilib.

Oxu.Az xəbər verir ki, bu barədə "The Daily Mail" məlumat verib.

Nəşr Stoltenberqin təşkilata rəhbər təyin olunmasını ABŞ-nin yeni seçilmiş prezidenti Donald Trampın gözlənilən andiçmə mərasimi ilə əlaqələndirir. Materialda qeyd olunur ki, keçmiş baş katib ilk olaraq trans-atlantik siyasət sahəsində təcrübəsi sayəsində klubun işinə cəlb edilib.

"1954-cü ildə qurulan "Bilderberq klubu" uzun müddətdir ki, Alp kurortlarındakı lüks hotellərdə gizli görüşləri ilə diqqəti cəlb edir, burada iştirakçıları beynəlxalq əlaqələr, iqtisadiyyat və təhlükəsizlik məsələlərini müzakirə edirlər", - qəzet qeyd edir.