ABŞ-ın yeni seçilmiş prezidenti Donald Trampın andiçmə mərasiminə üç həftədən az vaxt qalıb və ölkənin baş diplomatı Entoni Blinken Asiya və Avropaya son turneyə çıxır, onu müşayiət edən Turan-ın Vaşinqton müxbiri bildirib.

Cümə günü Dövlət Departamenti bəyan edib ki, Blinken Avropa, Yaxın Şərq və Asiyada problemlərin həllində tərəfdaşlığın əhəmiyyətini təsdiqləmək üçün Seul, Tokio və Parisə səfər edəcək.

Həm siyasi sarsıntılar yaşayan Cənubi Koreyada, həm də Yaponiyada Blinken Bayden administrasiyasının Hind-Sakit okeanı strategiyası çərçivəsində ABŞ-ın hər iki ölkə ilə əməkdaşlığının genişlənməsini vurğulamaq niyyətindədir.

Sonra o, Avropa təhlükəsizliyi məsələsini, əsasən Ukraynada, eləcə də Yaxın Şərqdə vəziyyəti müzakirə etmək üçün Parisə rəsmi şəxslərlə görüşə gedəcək.