Rusiya Prezidenti Vladimir Putin Alyaskada ABŞ Prezidenti Donald Trampla görüşdən əvvəl əvvəl xarici işlər naziri Sergey Lavrovun geyindiyi “SSRİ” yazılı sviterə münasibət bildirib.

Modern.az-ın məlumatına görə, sözügedən görüntülər rusiyalı jurnalist Zarubinin teleqram kanalında yerləşdirilib.

Görüşdən əvvəl ABŞ dövlət katibi Marko Rubio Lavrova müraciət edərək onun köynəyini bəyəndiyini bildirib.

Ardınca Putin ironik şəkildə reaksiya verib: “Bu bir işarədir? O, (Lavrov - red.) bunu sizə hədiyyə edəcək!”

Sonradan Lavrov Putinə izah edib ki, amerikalı həmkarının şərhi onun ABŞ-yə gəldikdə “SSRİ” yazılı sviterdə görünməsi ilə bağlıdır.

“İmperialist”, – deyə o, zarafatla Lavrovu ABŞ dövlət katibinə təqdim edib.