İraqın baş naziri Heydər Əl- İbadi, ikinci dəfə baş nazir olmaq istəmədiyini ifadə edərək, namizədlikdən çəkildiyinin mesajını verib.

Open.az xəbər verir ki, İbadi Bağdadda keçirdiyi mətbuat konfransında, "Dini liderimiz Ayətullah Əli əs-Sistaninin göstərişinə hörmət edirik və buna əməl edəcəyik. İkinci dövr baş nazir olmaq tələbim olmadı, olmayacaq da. Kürsüyə sarılı qalmayacağam" deyərək, yeni hökumət üçün baş nazir postuna namizədliyindən çəkildiyinin mesajını verib.

İraqda vəzifə təhvilinin silahlı münaqişə ilə deyil, sülh yolu ilə olmasının lazım olduğunu ifadə edən İbadi, "Xalqa xidmət nöqtəsindəki vəzifəmiz yeni hökumət qurulana qədər davam edəcək. Dinc yollarla vəzifə təslimi dərsini hamıya verəcəyik" deyib.