Azərbaycanlıların ən çox istismara və təzyiqə məruz qaldığı ölkə Azərbaycandır. Əcnəbilərin ən yaxşı yerlərdə işlədiyi, sərvətlərimizin qaymağını yediyi ölkəmizdə öz vətəndaşlarımıza qara işlərdə çalışmaq qismət olur.

Bu da azmış kimi, öz ölkəsində ən ağır işləri görən sadə vətəndaşlarımız əcnəbilərdən dəfələrlə az maaş alması bir tərəfə, həm də xarici patronları tərəfindən aşağılanırlar. Bir zamanlar Xəzər dənizində xarici şirkətlərdən birinə məxsus gəmidə Azərbaycan bayrağının təhqir olunması, yəqin ki, bir çoxlarımızın yaddaşından silinməyib. Amma deyəsən bizi öz ölkəmizdə təkcə ingilislər təhqir etmirlər. Qanı qanımızdan olan, “bir millət, iki dövlət” deyərək öyündüyümüz türk patronlar da öz ölkəmizdə qara qul kimi işlətdikdikləri azərbaycanlıllara ingilisdən fərqli yanaşmırlar.

Ovqat.com-un etibarlı mənbələrdən aldığı məlumata görə, dünən “Crescent development project”ə aid tikinti obyektlərindən birində də bənzər hadisə yaşanıb.