"Görünür ki, pensiya yaşını artırmaq üçün orta ömür uzunluğu saxtalaşdırılaraq yalandan artırılır"

"Son 12 ilin başlıca demoqrafik göstəricilərini hər biri 6 ildən ibarət olmaqla, 2 ardıcıl dövrə bölüb tərtib olunmuş cədvəli sizə tədqim edirəm. Ölkədə 1-ci dövrlə (2009-2014-cü illər) müqayisədə 2-ci dövrdə (2015-2020-ci illər) doğumların və nigahların sayı azalır, boşanmaların və ölümlərin sayı sürətlə artır". Hurriyyet.az-ın məlumatına görə, bunu Azərbaycan Demokratiya və Rifah Partiyasının sədri, iqtisadçı alim, ABŞ-ın Rutgers Universitetinin müəllimi Qubad İbadoğlu deyib.

İqtisadçı alimin sözlərinə görə, bu dinamika bir sıra göstəriciləri, o sıradan orta ömür uzunluğunu da şübhəyə salır: "Görünür ki, pensiya yaşını artırmaq üçün orta ömür uzunluğu saxtalaşdırılaraq yalandan artırılır. Müharibədə şəhid verdiyimiz 3000-ə qədər gəncləri də nəzərə alanda, növbəti illərdə bu trend daha da güclənəcək, bu halda 5-10 ildən sonra Azərbaycanın gələcəyini təsəvvür edirsinizmi?"