Vətən müharibəsinin şəhidi Cabbarzadə Məmmədiyənin ailəsi “Lor hospital”dan şikayətçidir. TİA. Az xəbər verir ki, bu barədə şəhidin ailəsinə yaxın olan Türkan İsgəndərzadə yazıb. O, şəhid xanımının adından bunları qeyd edib:”Səhər oğlumu xəstəxanaya apardım, pis xəstələnmişdi. Qeydiyyat şöbəsində 35 manat ödəniş etdim, 7 manat şəhid övladı olduğu üçün güzəşt edildi. Şəhidin 7 manat hörməti var imiş. Sözüm onda yox, yaxşı həkimləri olduğu üçün aparmışdım. Övladım serablal iflicdir, növbəmi düz 1 saata yaxın gözlədim. Kimin tanışı var idi gəlib növbəsiz keçirdi içəri. Amma şəhid ailələrinə növbədənkənar olduğu halda, xəstə uşaqla oturdum”.

Şəhid xanımı deyir ki, oğlu çox narahat idi: “Elə ağlayırdı. Qeydiyyatı yazan qızdan xahiş eledim ki, 1 saat olacaq burdayam, uşaq narahatdır. Qız qayıtdı ki, hər kəsin uşağı özünə əzizdir. Onlarda uşaqdı, səninki də….Düz deyirsiz onlar da uşaqdı. Amma atalari yanında idi, mənim kimi tək, ağır serabablal iflic uşağı bütün gün qucaqlarında gəzdirmirdilər. Orada sözümü deyəndən sonra gəlin kecəmin dedilər. Amma niyə gərək sozumu deyenden sonra hə? Ödənişi geri alıb çıxdım. Budurmu şəhid ailəsinə qoyduğunuz hörmət? Baş həkim gəlsin dedim. Baş həkim yoxdur burda dedilər”.