Dövlət qulluqçularının irəli çəkilməsi zamanı rotasiya olunmuş şəxslərə üstünlük veriləcək.
"Report"un xəbərinə görə, bununla bağlı "Dövlət qulluğu haqqında" qanuna dəyişiklik təklif edilir.

Dəyişikliyə əsasən, qanunun 32.2-ci bəndinə yeni cümlə əlavə edilir. Bununla da qanunun 32.2-ci bəndi belə olacaq:

"Dövlət qulluğunda irəli çəkilmək hüququ dövlət qulluqçularının öz vəzifələrini müvəffəqiyyətlə və vicdanla yerinə yetirməsi, vakant vəzifə olması, habelə vakant vəzifənin tələblərinə uyğun olaraq əlavə təhsilalmanın nəticələri nəzərə alınmaqla həyata keçirilir .Rotasiya olunmuş inzibati vəzifə tutan dövlət qulluqçularına üstünlük veriləcək".