“Tipaja və növə baxmadan həm fərdi yaşayış evləri, həm də mənzillər keyfiyyətli tikinti şirkətləri tərəfindən tikilməlidir”

TEREF.AZ bildirir ki, bu sözləri Bizim.Media-ya açıqlamasında iqtisadiçı-ekspert Vüqar Oruc deyib.

Onun sözlərinə görə elə fərdi evlər var ki, birdaşlıdır və arakəsmələri beton deyil, onlarda yaşamaq hündürmərətəbəli binalardan daha təhlükəlidir:

“Ev alarkən bu nüanslara fikir vermək lazımdır. Tanıdığım MTK-lar var ki, onlar tərəfindən tikilmiş binalarda zəlzələnin gücü daha çox hiss olunub. Elələri də var ki, çox zəif silkələnmə olub. Bu, onu göstərir ki, söhbət tikili növündən deyil, onun keyfiyyətli tikilməsindən asılıdır.

Ola bilər ki, hündürmərtəbəli bina hər hansı fövqəladə hadisədən və ya zəlzələdən daha az xətər görsün, nəinki divarları bir daşdan tikilmiş, monolit betondan istifadə olunmayan fərdi evlər...”