Rusiya Bankının rəhbəri Elvira Nabiullina maliyyə konqresində Rusiya iqtisadiyyatının inkişafı ilə bağlı əsas məhdudiyyətləri açıqlayıb.
"Mən indi üç növ məhdudiyyəti qeyd edərdim. Bu işçi qüvvəsidir. Bundan əlavə vəziyyət bizə göstərir ki, biz artıq ekstensiv şəkildə inkişaf edə bilmirik və artım yalnız əmək məhsuldarlığı hesabına ola bilər, əmək məhsuldarlığı isə texnologiyadır. Bizim üçün də məhdudiyyət texnologiyaya keçiddir, öz texnoloji inkişafımızdır" - Nabiullina bildirib.
Rusiya Mərkəzi Bankının rəhbəri əlavə edib ki, işçi qüvvəsinin çatışmazlığı, ekstensiv artım üçün yerlərin olmaması və texnoloji məhdudiyyətlərlə yanaşı, səmərəli inkişafa və bu problemlərin həlli üçün investisiyalara ehtiyac var.
Bununla yanaşı, Nabiullina söyləyib ki, investisiyaların maliyyələşdirilməsi üçün uzunmüddətli mənbələr lazımdır.
Bundan əvvəl bildirilib ki, bu gün də Rusiya Federasiyasının əmək bazarında müəyyən ixtisaslar üzrə kadr çatışmazlığı müşahidə olunur. İşəgötürənlərin ən çox idarəçilərə, istehsalçılara və işçilərə ehtiyacı var.
Bu yaxınlarda Rusiya Prezident Vladimir Putin bildirib ki, Rusiyada yaxın illərdə işçi qüvvəsi çatışmazlığı davam edəcək.