Rusiyada 24 fevral tarixinə olan məlumata görə, illik inflyasiya səviyyəsi 10,7%-ə yüksəlib.
İqtisadiyyat.az xəbər verir ki, bu barədə Rusiya İqtisadi İnkişaf Nazirliyi məlumat yayıb.

Əsas məqamlar:

18-24 fevral tarixləri arasında ərzaq məhsulları 0,35% bahalaşıb (öncəki həftədə bu göstərici 0,25% idi).

Meyvə-tərəvəz məhsullarının qiyməti 0,97% artıb (öncəki həftədə 0,71%).

Digər ərzaq məhsulları orta hesabla 0,29% bahalaşıb.

Qeyri-ərzaq məhsulları isə cüzi şəkildə – 0,01% ucuzlaşıb.

Xidmət sektorunda qiymətlər 0,3% artıb.

Bundan əvvəl Rusiya Mərkəzi Bankı 2025-ci ildə illik inflyasiyanın 7-8%-ə enəcəyini, 2026-cı ildə isə 4%-lik hədəfə çatacağını proqnozlaşdırıb. Lakin tənzimləyici qurum inflyasiyanın nəzarət altına alınması üçün ölkədə sərt monetar siyasətin gözləniləndən daha uzun müddət davam etdirilməli olduğunu bildirib.