Bu il martın 1-nə Azərbaycanda geniş mənada pul kütləsi (M3 aqreqatı) 46 milyard 674,7 milyon manat təşkil edib.

İndex.az Azərbaycan Mərkəzi Bankına istinadən xəbər verir ki, bu, aylıq müqayisədə 2,4 %, ilin əvvəlinə nisbətən 0,4 %, ötən ilin eyni dövrünə nisbətən 4,3 % çoxdur.

O cümlədən, manatla pul kütləsi (M2 aqreqatı) 35 milyard 436,5 milyon manat olub ki, bu da aylıq müqayisədə 2 % çox, ilin əvvəli ilə müqayisədə 3,3 % az, ötən ilin eyni dövrünə nisbətən 3,4 % çoxdur.

Hesabat tarixinə tələbli depozitlər (M1 pul aqreqatı) 28 milyard 155,7 milyon manat təşkil edib ki, bu da, aylıq müqayisədə 1,9 %, ilin əvvəli ilə müqayisədə 5 % az, ötən ilin eyni dövrünə nisbətən 1,7 % azdır.

Martın 1-nə banklardan kənarda olan nağd pul kütləsi (M0 aqreqatı) isə 15 milyard 550,2 milyon manat olub ki, bu da aylıq müqayisədə 1,7 % çox, ilin əvvəli ilə müqayisədə 1,9 % az, ötən ilin eyni dövrünə nisbətən 2 % çoxdur.