Azərbaycanda evakuatorda daşınan avtomobil cərimələnib.
Bu barədə aparıcı və bloger Fərid Rəsul bildirib.

F.Rəsul bildirib ki, ona məxsus 47 AA 111 dövlət qeydiyyat nişanlı “QAZ-24” markalı avtomobil Bakı-Ələt-Qazax-Gürcüstan yolunun 20-ci km-liyində evakuatorun üzərində cərimələnib.

Cərimələnməyə səbəb isə avtomobilin texniki baxışdan keçməməsidir.

Qeyd edək ki, İnzibati Xətalar Məcəlləsinin 339.1-1-ci maddəsinə əsasən, nəqliyyat vasitəsini “Yol hərəkəti haqqında” Qanunla müəyyən edilmiş müddətdə texniki baxışdan keçirmədən idarə etməyə görə 50 manat məbləğində cərimə tətbiq edilir.