O, bir qadının ölümündə şübhəli bilinir
Xəbər verildiyi kimi, İstanbulun Beyoğlu bölgəsində oğlunun qarışdığı davanı evinin pəncərəsindən izləyən 59 yaşlı Necla Ceylan adlı qadın başından vurularaq həyatını itirib. Olayla bağlı başladılan soruşdurmadan sonra "Kolpaçino" serialının oyuncularından biri, 36 yaşlı aktyor Volkan Başaran 3 nəfər şühbəli ilə birgə gözaltına alınıb.

AzNews.az Türkiyə mediasına istinadən xəbər verir ki, hadisə isə belə olub.

Aktyor Volkan Başaran 31 yaşlı Murat Ö. və 24 yaşlı Tolga Y. oktyabrın 21-də gecə saat 03.00 radələrində avtomobillə gəzirmiş. Onlar Beyoğluda daha öncədən tanıdıqları Engin K. ilə qarşılaşıblar və aralarında qısa dava yaşanıb. Daha sonra avtomobildə olanlar Sütlücedə yerləşən iş yerinə geri dönüblər. Volkan Başaran ilə Tolga Y. arabadan eniblər. Avtomobildə olan Murat Ö-nün yanına Zekeriya T. adlı bir nəfər minib.

Engin K.-nın yaşadığı İstiklal Məhəlləsi İmambahçe küçəsinə gedən Murat Ö. və Zekeriya T. atəş açmağa başlayıblar. Açılan atəş nəticəsində evinin pəncərəsinə çıxan Engin K.-nin anası Necla Ceylan başından vurulub.

O, aparıldığı xəstəxanada həyatını itirib. Polis qaçan şübhəliləri yaxalamaq üçün axtarışa başlayıb. Nəticədə aktyor Volkan Başaran ilə birlikdə Tolga Y., Murat Ö. və Zekariya T. tutulub.

Qeyd edək ki, aktyor Volkan Başaran bir çox film və seriallarda rol alıb.