Hər zaman həmkarları və sosial şəbəkə izləyiciləri tərəfindən tənqid olunan Damla onlara cavab verib.
UlduzumSan.Az-ın məlumatına görə, ifaçı onu qınayanlardan gileylənib : "Bu sahəyə gəldiyim gündən atmacalar, qınaqlar, iradlar həmişə mənimlə oldu. Düz 18 yaşımdan işləyirəm. Az çox qazandığım məvaciblə ailəmin, övladımın ehtiyaclarını ödəməyə çalışmışam. Bəzən şərhlərdə yazılan bəzi yazılar məni çox üzür. "Gör Allah pulu kimlərə verir", "bunlar keflə pul qazanırlar", "camaat zülmlə fəhləlik edir, gecə-gündüz əziyyət çəkir. Ancaq bunlar yağın balın içində yaşayırlar". Sosial şəbəkələrdə bu cür sözlər yazan izləyiciləri əslində qınamıram. Çünki kənardan elə görürlər. Nə bilsinler ki, isti ev yeməklərindən, yatağımızdan, rahat dəmlənmiş çayımızdan biz də məhrum oluruq. Mən özümü o insanlardan biri bilirəm. Onlarla özümdə bir fərq görmürəm. Nə rütbəmiz, nə vəzifəmiz, nə də məşhurluğumuz heç nəyi dəyişmir. Nəticədə hamımız insanıq. Mən də sizlərdən biriyəm".