Xalq artisti, məşhur diktor Sabir Ələsgərli efirdə aparıcılıq edən müğənniləri sərt tənqid edib.
Yenicag.az-a açıqlama verən diktor reytinq xatirinə onlardan istifadə olunduğunu bildirib:
“Baxırsan efirlərə, müğənnilər hamısı aparıcılıq edir. Rəhbərlik bunlara niyə icazə verir? Adama deyərlər, müğənnisən, get, mahnını oxu, aşıqsan, get, sazını çal. Bunlar hamısı efirlərə reytinq xatirinə çıxarılır. Verilişdə səs-küy, qalmaqal yaratsınlar, izləyicisi çox olsun. Bu müğənnilər də toy tutmaq, qazanc artırmaq məqsədi ilə aparıcılıq edir. Olmaz belə. Aparıcı peşəkar olmalıdır, öz işinin öhdəsindən gəlməyi bacarmalıdır. Müğənni nə bilir aparıcılıq nədir?”