Xəbər verdiyimiz kimi, sosial şəbəkələrdə itini axtaran Farina adlı qadının videosu yayılmışdı. Artıq Farina adlı qadının iti tapılıb.

BiG.AZ xəbər verir ki, bunu Xəzər Televiziyasında yayımlanan və Xoşqədəm Hidayətqızının aparıcılıq etdiyi "Səni axtarıram" verlişində məlumat verilib.

Aparıcı bildirib ki, qadın itmiş iti üçün bizə də müraciət etmişdi: "Əməkdaşlarımız itin tapıldığını söylədi".

Xoşqədəm Hidayətqızı qadının ağlamasını ələ salanları da qınayıb.

Qeyd edək ki, qadın iti üçün zülm-zülm göz yaşı tökərək heyvanı tapanları mükafatlandıracağını demişdi: "İtimi tapana 1000 AZN mükafat verəcəyəm. İtimi maşının arxa pəncərəsindən oğurlayıblar. Adı Riçidir. Qurban olum itimi qaytarın. O itsiz mən yaşaya bilmərəm. Gecəni maşında yatmışam. Ağlamaqdan gözlərim şişib”.