Amerikalı aktrisa Pamela Anderson və Hollivudun tanınmış kinoprodüseri Con Piters nikahın bağlanmasından 12 gün sonra ayrılıblar.

KONKRET.az xəbər verir ki, bu barədə məlumatı “The Hollywood Reporter” qəzeti yayıb.

Qəzetin yazdığına görə, cütlük münasibətlərində “fasilə” alıblar.

Aktrisaya yaxın mənbə bildirir ki, onlar nikah şəhadətnaməsi üçün hüquqi sənədləri hələ verməyiblər.

“Həyatdan və bir-birimizdən nə almaq istədiyimizi öyrənmək üçün yenidən bir fasilə alırıq. Həyat bir səyahətdir və sevgi bir prosesdir. Bu universal həqiqəti nəzərə alaraq, biz qarşılıqlı olaraq nigah haqqında şəhadətnaməmizin rəsmiləşdirilməsini təxirə salmağa qərar verdik”, – deyə Anderson qeyd edib.

Cütlük hər kəsdən onların şəxsi həyatlarına müdaxilə etməməsini istəyib.