Əməkdar artist Elza Seyidcahan Şabran və Siyəzən rayonlarında aztəminatlı ailələri, şəhid ailələrini, müharibə əlilləri üçün xeyriyə aksiyası keçirib.
"Yeni Sabah" xəbər verir ki, Əməkdar artist 2015 və 2020-ci il parlament seçkilərində namizədliyini irəli sürdüyü bölgənin sakinlərinin ona qarşı olan sevgisinə qarşılıq olaraq onları bayram sovqatı ilə sevindirməyi özünə borc bildiyini deyib:

"2015-ci ildən Parlament seçkilərinə qatıldığım andan, Şabran-Siyəzən bölgəsinə yollandım. Tək namizəd olaraq deyil, həm də, bir sənət numayəndəsi kimi məni cox gözəl qarşıladılar. İnsanların mənə qarşı olan təmənnasız sevgisini gördüm və bundan çox böyük qürur duydum. Bu sevgiyə ,hörmətə qarşılıq olaraq, bayram sovqatlarımızla onları sevindirməyi özümə borc bildim. Bu gözəl gündə mənə dəstək olan dostlarımıza dərin təşəkkürümüzü bildiririk".