Əməkdar artist Manana Caparidze həyat yoldaşı Georgi, oğlu Davit və qızı Elizabetlə görüntülərini paylaşıb.

Yenisabah.az xəbər verir ki, sosial şəbəkədə ailəsi ilə fotolarını bölüşən Manana yeni il münasibətilə hər kəsi təbrik edib:

“2020-ci il bütün dünya tərəfindən çətinlikləri, böyük ağrıları, göz yaşları ilə yadda qalacaq. Mənim Azərbaycanım bu ildə ikiqat əziyyətə qatlandı. Bu mürəkkəblik bütün dünyada yaşayan Azərbaycan xalqını dəmir yumuruq kimi bir yerə topladı. Pisliyi fəth edən bu birlik oldu! Hörmətli Ali Baş Komandanın rəhbərliyi ilə cəsarətli Azərbaycan əsgərləri yeni bir tarix yazdılar. Şəhidlərimizin xatirəsini həmişə ehtiramla yad edəcəyik, yaralı əsgərlərimiz üçün şəfa diləyəcəyik. Azərbaycan xalqı dünyaya sübut etdi ki, vətəndən daha qiymətli heç bir şey yoxdur".