Tanınmış türk aktyoru Sinan Albayrak çəkiliş meydançasında atdan yıxılaraq ağır xəsarət alıb.
Bakupost.az Türkiyə mediasına istinadən xəbər verir ki, hadisə 'Mehmed Fetihler Sultanı'' dizisinin çəkilişi zamanı baş verib.
Qəza zamanı huşunu itirən sənətçi xəstəxanaya çatdırılıb. Tibbi yardımdan sonra özünə gələn Albayrak xəstəxanada video paylaşaraq durumunun normal olduğunu bildirib.
"Kiçik qəza keçirdim. Atla ayrı-ayrı səmtlərə getməyə qərar verdik. Bir az huşumu itirmişdim, amma indi yaxşıyam. Bir az xəsarətlər var, onlar da tezliklə sağalar. Zəng edib soruşanlara təşəkkür edirəm. Hər şey yaxşıdır, narahat olmayın", - deyə Albayrak qeyd edib.