Məşhur amerikalı reper və prodüser P.Diddi (Şon Kombs) federal prokurorların təklif etdiyi etiraf sövdələşməsini rəsmən rədd edib.

Oxu.Az-ın "Page Six" nəşrinə istinadla verdiyi məlumata görə, qərar məhkəmə prosesinin başlamasına cəmi üç gün qalmış açıqlanıb.

Məhkəmə iclası zamanı hakim Arun Subramanyan reperdən istintaqla əməkdaşlıq edib, uzunmüddətli həbs cəzasından qurtulmaq imkanı olduğu halda bu razılaşmadan imtina edib-etmədiyini soruşub.

"Bəli, zati-aliləri", - deyə Şon Kombs təsdiqləyib.

Prokurorluğun rədd edilmiş təklifinin detalları açıqlanmır. Qalmaqallı musiqiçinin məhkəmə prosesi 5 may tarixində başlayacaq.

Xatırladaq ki, reper Kombs 17 sentyabr 2024-cü ildə ona qarşı irəli sürülən ittihamlardan sonra həbs edilib. Diddiyə üç ittiham maddəsi - reketçilik məqsədilə sui-qəsd, cinsi istismar məqsədilə insan alveri və fahişəliklə məşğul olmaq üçün insanların daşınması üzrə təqsirli bilinərsə, ömürlük həbs cəzası və ən azı 15 il azadlıqdan məhrum edilmə təhlükəsi var. Səs-küylü seks məclisləri ilə tanınan musiqiçi, Bruklində federal istintaq təcridxanasında məhkəməni gözləyir.