"Həftədə 7000 insanı ölümdən xilas edə bilsəm, düşünürəm ki, bu, çox yaxşıdır - bacararamsa cənnətə gedə bilərəm”

ABŞ Prezidenti Donald Tramp Ukraynadakı münaqişənin həllinə görə Nobel Sülh Mükafatından daha çox şey istəyir. O həm də öləndən sonra cənnətə gedəcəyinə ümid edir.

Tramp ümid edir ki, Rusiya və Ukrayna arasında müharibəyə son qoymaq üçün onun vasitəçiliyi cənnətə düşməsinin “səbəblərindən biri” olacaq.

"Həftədə 7000 insanı ölümdən xilas edə bilsəm, düşünürəm ki, bu, çox yaxşıdır - bacararamsa cənnətə gedə bilərəm. Eşitmişəm ki, işim yaxşı deyil. Mən əslində totem dirəyinin dibindəyəm", deyən Prezident seçki kampaniyası zamanı dəfələrlə Ukraynadakı müharibəni "24 saata bitirəcəyinə” söz vermişdi.

Tramp Nobel Sülh Mükafatını qazanmaq arzusunu gizlətmir. Bir həftə əvvəl Ağ Ev bəyan edib ki, artıq yeddi ölkə – Azərbaycan, Ermənistan, Qabon, İsrail, Kamboca, Ruanda və Pakistan Trampın sülh mükafatına namizədliyini irəli sürüb. Ağ Evin bəyanatında deyilir: “Donald Tramp Sülhün prezidentidir.

Dünən Trampın özü prezidentliyə qayıtdıqdan sonra artıq 6 müharibəyə son qoyduğunu bildirib.

Müəllif: Ayna.az