Müğənni Mətanət Əsədova "Günaydın" verilişində onun barəsində nalayiq ifadələr işlətmiş yazar Əziz Musayevi məhkəməyə verir.

Bu barədə Ölkə.Az-a sənətçinin özü məlumat verib. Əsədova bildirib ki, bu həftə ərzində qeydiyyatda olduğu Nəsimi Rayon Məhkəməsinə müraciət edəcək:

"Onun mənə nə maddi təzminatı, nə də üzr istəməsi lazım deyil. O, sürünməlidir, cəzasını çəkməlidir. Məni bu boyda sənətimi yerə vurmaq olmaz. Heç kimin ixtiyarı yoxdur ki, məni təhqir etsin".

Qeyd edək ki, "Günaydın" verilişinin bu gün efirə gedən buraxılışında yazar və sənətçi arasında gərgin anlar yaşanıb. Əziz Musaoğlu Əsədovanın "mən müğənniyəm, bəs sən kimsən" sualına belə cavab verib: "Mən aliməm, sən q..bəsən".