Türkiyəli məşhurlarla azərbaycanlı aktyorların iştirakı ilə çəkilən “Qış nağılı” filminin mətbuat konfransı keçirilib.
Yenicag.az xəbər verir ki, konfransda Türkiyənin məşhur simaları – müğənni Halil Sezai, aktrisa Müge Boz, eyni zamanda Azərbaycanın tanınmış müğənni və aktyorları iştirak edib.
Filmdə hadisələr Yeni il gecəsi bir oteldə baş verir. Ekran işində müğənni Halil Sezai və aktrisa Müge Boz azərbaycanlı cütlüyün nişan mərasiminə qatılmaq üçün Bakıya gəlir.
Qeyd edək ki, sözügedən film “Cinemazadeh” şirkətinin 2018-ci il üzrə ən böyük layihəsidir. Filmin baş prodüseri və rejissoru Cəfər Axundzadədir.