Velosipedlə yoxuş aşağı enən azyaşlı qızın köməyinə sürücü yetişib.
Yeniavaz.com İHA-ya istinadla xəbər verir ki, Türkiyədə bir qadın azyaşlı qızı ilə gəzməyə çıxarkən xoşagəlməz hadisə yaşayıb. Belə ki, uşaq velosiped sürərkən bir anda yoxuş aşağı sürətlə hərəkət etməyə başlayıb. Qızının avtomobil yoluna tərəf getdiyini görən qadın arxasınca sürətlə qaçsa da çata bilməyib. Bunu görən avtobus sürücüsü azyaşlını avtomobillərin altında qalmaqdan son anda xilas edib. Həmin anlar təhlükəsizlik kameraları tərəfindən lentə alınıb.