Türkiyədə Qaziantep şəhər Prokurorluğu tərəfindən PKK/KCK terror təşkilatına qarşı aparılan istintaq çərçivəsində 49 nəfər barəsində axtarış elan edilib.

AZSABAH.COM xəbər verir ki, polis əməkdaşları tərəfindən Qaziantep, İstanbul, Diyarbəkir, Şanlıurfa, Antalya və Şırnakda aparılan əməliyyatlar zamanı 42 nəfər şübhəli şəxs qismində saxlanılıb.

Onların arasında Xalqların Demokratik Partiyası (HDP) və Demokratik Bölgələr Partiyasından (DBP) olan rəhbər şəxslər, eyni zamanda bəzi vəkillər də olub.