Türkiyənin müdafiə sənayesinin nəhəngi hesab edilən “Aselsan” şirkətinin 2021-ci ilin ilk doqquz ayında dövriyyəsi keçən ilin eyni dövrü ilə müqayisədə 22% artaraq 10,3 milyard Türk lirəsi (1,05 milyard dollar) olub.

Bizim.Media “Sabah” qəzetinə istinadən xəbər verir ki, şirkət 3,1 milyard TL-lik rekord gəlir əldə edib.

“Aselsan”ın İdarə Heyətinin sədri və baş icraçı direktoru Haluk Gergun deyib ki, şirkət bütün maraqlı tərəflərlə birlikdə ölkənin gələcəyi üçün faydalı şeylər yaratmağa davam edəcək. Gergun qeyd edib ki, Aselsan həmin dövrdə yeni sifarişlərinin sayını 78% artırıb.