2019-cu ilin aban (noyabr) etirazlarında öldürülən cənubi azərbaycanlı İbrahim Kitabdarın anası Səkinə Əhmədiyə iki il məşəqqətdən sonra oğlunun məzarı başında onun ölümünün ildönümünü keçirməyə icazə veriblər.

“Azad İran” Telegram kanalı xəbər verir ki, bu barədə o, özü yaydığı videoda məlumat verib.

Lakin yaxınları da məzarı ziyarətə gəldikdən sonra İranın əmniyət gücləri ziyarət mərasiminə hücum edərək bir neçə siyasi fəalı tutublar.

Videolardan birində Səkinə Əhmədinin “diktatora ölüm” şüarı səsləndirdiyi müşahidə edilir.