YPG Suriyada terror aktı törədib: Ölənlər və yaralananlar var
20-11-2021, 07:10
Terrorçu PKK/YPG qruplaşması Suriyanın Türkiyə ilə sərhəddə yerləşən Afrin bölgəsinə raket zərbələri endirib.
Cebhe.info xəbər verir ki, bu barədə Türkiyə Milli Müdafiə Nazirliyi "Twitter" hesabında məlumat yayıb.
İlkin məlumata görə, zərbələr nəticəsində 3 dinc sakin ölüb, daha 10 nəfər yaralanıb. Yaralılar ərazidəki hospitala yerləşdirilib.
Qeyd edilir ki, Afrin şəhər mərkəzinə 6 raket zərbəsi endirilib. Müəyyən edilmiş terrorçu hədəflər dərhal Türkiyə Silahlı Qüvvələri tərəfindən atəşə tutulub.
Hadisə ilə bağlı araşdırma aparılır.
Xatırladaq ki, Türkiyə Silahlı Qüvvələri Afrində “Zeytun budağı” antiterror əməliyyatı keçirir.
