“Türkiyənin Milli Hərəkat Partiyasının lideri Dövlət Baxçalı ilə Türkiyə Prezidenti Rəcəb Tayyib Ərdoğanın türk dünyasının xəritəsi fonunda təsvir edilmiş fotosu internetdə geniş yayılıb”. Ordu.az xəbər verir ki, bunu öz məqaləsində “Regnum” agentliyinin köşə yazarı Aleksandr Savelev yazıb.

Onun sözlərinə görə, türk dünyasının xəritəsinin böyük hissəsi Şimali Qafqazdan Sibirə qədər Rusiya ərazisi olduğu üçün foto xüsusilə Rusiya mətbuatında böyük hiddət doğurub.

“Azərbaycan, Mərkəzi Asiyanın keçmiş sovet dövlətləri, Monqolustan və Çinin bir hissəsi də xəritəyə daxil edilmişdi”, - Savelev qeyd edib.

O qeyd edib ki, 2020-ci ildə Azərbaycan və Türkiyənin Qarabağ müharibəsində qələbə qazanması türkçülük tərəfdarlarının sayını artırıb.

Alpər Mövludoğlu