Nazarbayevin adı paytaxtdan da götürülür... - PROSES BAŞLAYIB!

8-01-2022, 12:42           
 Nazarbayevin adı paytaxtdan da götürülür... -
Qazaxıstan hökuməti rəsmi məlumatlarda ölkə paytaxtını Nur-Sultan yox, əvvəllər olduğu kimi Astana adlandırır. DİA.AZ-ın məlumatına görə, Rusiyanın Dojd telekanalı xəbər verir ki, rəsmilər daha çox “Qazaxıstan paytaxtı” ifadəsindən istifadə edirlər.

Bununla belə paytaxtın adının dəyişdirilib-dəyişdirilməyəcəyi ilə bağlı rəsmi bəyanat olmayıb.

Orda.kz saytının verdiyi məlumata görə keçmiş prezident Nursultan Nazarbayev və onun ailə üzvləri ölkəni tərk ediblər.

Qazaxıstanın paytaxtı Astananın adı 2019-cu ildə dəyişdirilərək Nursultan Nazarbayevin şərəfinə Nur-Sultan adlandırılmışdı.

Yeri gəlmişkən o vaxt bu təşəbbüsü indiki prezident Kasım-Jomart Tokayev irəli sürmüşdü.

Həmin vaxt bir çox şəhərlərdə adamlar paytaxtın adının dəyişdirilməsinə etiraz etmişdilər. Hakimiyyət və polis həmin etirazlara sərt şəkildə reaksiya vermişdi.

Nursultan Nazarbayev Qazaxıstana 1990-cı ildən 2019-cu ilin martınadək başçılıq edib.

O 2015-ci növbədənkənar seçkidə 5-ci dəfə prezident seçilmişdi və rəsmi məlumata görə ona 98 faiz səs verilmişdi.

Nazarbayev 2018-ci ildə Qazaxıstan Təhlükəsizlik Şurasının ömürlük sədri təyin olunmuşdu.

Bu, ona prezident postundan istefadan sonra da faktiki hakimiyyətini saxlamaq imkanı verirdi.

Qazaxıstanda Nazarbayevin şəxsiyyətinə pərəstiş təbliğ olunurdu. O özünə Elbası – “millət lideri” titulunu götürmüşdü.шаблоны для dle 11.2


Loading...



Loading...





Loading...

Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.