Əbdülhəmid Gülün ədliyyə naziri vəzifəsindən azad edilməsindən sonra Türkiyədə yeni kabinet dəyişikliyi gözlənilir.
Bu iddia ilə Türkiyənin “Cümhuriyyət” qəzeti çıxış edib.
Qəzetin məlumatına görə, Prezident Rəcəb Tayyib Ərdoğan kabinet dəyişikliyinə addım-addım gedəcək.
“Güldən sonra xarici işlər naziri Mövlud Çavuşoğlu, mədəniyyət və turizm naziri Mehmet Nuri Ərsoy, səhiyyə naziri Fəxrəddin Qoca, əkinçilik və meşə naziri Bəkir Pakdəmirlinin də vəzifələrindən azad ediləcəyi gözlənilir. Gəzən söz-söhbətlərə görə, Türkiyə prezidentinin sözçüsü İbrahim Kalın Mövlud Çavuşoğlunun yerinə gətirləcək”, - qəzet bildirib. //axar.az