Türkiyədə 15 iyulda baş verən hərbi çevriliş cəhdi ilə bağlı aparılan istintaq tədbirləri nəticəsində bağlanılan Ali İstedadlar Məktəbi və Anadolu Liseyinin yerləşdiyi ərazidə gizli tunel tapılıb.

Axar.az xəbər verir ki, İzmir şəhərinin Bayraqlı mahalındakı tunelin yeməkxana ilə məscid arasında qazıldığı öyrənilib.

Uzunluğu 200, hündürlüyü 2 və eni 1 metr olan tunelə elektrik enerjisinin verildiyi də məlum olub.

Onun hansı məqsədlə istifadə edildiyi məlum deyil.

Qeyd edək ki, tunel Gülən camaatına məxsus məktəblərin birində təhsil alan keçmiş tələbənin məlumatı əsasında tapılıb.