Türkiyənin Osmaniye vilayətində açıq havada nümayiş etdirilən Anadolu və Finikiya dillərinin birlikdə işlədildiyi yazılı daş kitabələr UNESCO-nun Dünya İrsinin Beynəlxalq Reyestrinə daxil edilib.

"TRT Haber" xəbər verir ki, Osmaniyə vilayətinin valisi olan Erdinç Yılmaz jurnalistlərə verdiyi açıqlamada əldə edilən uğurdan məmnun olduqlarını bildirib.

"Osmaniye hər mənada qədim dövrlərə gedib çıxan yaşayış məskənləri və çoxsaylı tarixi əsərlərin olduğu bir məkandır. Bunun ən mühüm nümunələrindən biri olan açıq səma altında nümayiş etdirilən kitabələrdir. Kitabələrin UNESCO-nun siyahısına salınması buradakı əsərlərin qorunması baxımından çox dəyərlidir. Biz bu dəyərlərin və mədəniyyətin gələcək nəsillərə ötürülməsinə böyük əhəmiyyət veririk", - deyə Erdinç Yılmaz qeyd edib.