“Boinq 737-800” sərnişin təyyarəsi Türkiyənin Trabzon şəhərində hava limanına eniş etdikdən sonra uçuş zolağından çıxıb.

Axar.az xəbər verir ki, bu barədə “Huriyyət” qəzeti məlumat yayıb. Hadisə zamanı təyyarənin göyərtəsində 162 sərnişin və ekipaj heyəti olub.

Təyyarədəkilərin hamısı uğurla evakuasiya olunub.

Hadisənin baş verdiyi ərazidən lentə alınan videoda aydın görünür ki, qəzaya uğrayan təyyarə dənizlə uçuş zolağı arasındakı torpaq ərazidə qalıb.

İnsidentdən sonra Trabzon aeroportunun fəaliyyəti dayandırılıb. Hadisənin səbəbləri araşdırılır.
[media=https://www.youtube.com/watch?v=oBHnxhpD85w]