Bodrumda 9 gündür yoxa çıxan məşhur iş adamı Ali Özdemiri (46) arvadı Tuğba Ö. ilə yataqda tutan ortağı Mustafa Ö.-nün öldürdüyü ortaya çıxıb.

Təslim olan Mustafa Ö. qətlin səhəri prokurorluğa gedərək təslim olub. Polis qətldə əli olduğu iddia edilən Mustafanın qaynı və həyat yoldaşını da nəzarətə götürüb.

Mustafa Ö. ifadəsi zamanı "Üçümüz eyni evdə yaşayırdıq. Arvadım və Ali Özdemir haqqında dedi-qodular eşidirdim. Ancaq həm arvadıma güvənirdim, həm də dostuma. Ancaq onları bir gün eyni otaqda görüncə şok oldum. Xəyanət edildiyini anladım. Vicdan əzabı çəkdiyim üçün intihara cəhd etdim. Ancaq ölməyi bacarmadım", - fikirlərini səsləndirib.