Suriya-Türkiyə sərhədində şiddətli atışma — 4 türk hərbçi şəhid oldu
20-01-2018, 22:52
Suriya-Türkiyə sərhədi yaxınlığında şiddətli döyüşlər başlayıb.
teref.az xəbər verir ki, bu barədə “Əl-Mayadin” telekanalı məlumat yayıb. Bildirilir ki, kürd terrorçuları ilə Türkiyə hərbçiləri arasında şiddətli atışma olub. Silahlı insident zamanı 4 türk əsgəri şəhid olub.
Hadisə Türkiyə hərbçilərinin bölgəyə daxil olmaq istədikləri vaxt baş verib. Suriyanın Afrin bölgəsində yaranmış gərginlik zamanı hələlik üçüncü dövlətin hərbçiləri müdaxilə etməyiblər. Lakin əraziyə Suriya qoşunlarının da gətirildiyi barədə məlumatlar daxil olub. (Olke.az)
