Yunanıstan baş naziri Çipras İsveçrədə keçirilən Davos forumunda çıxışında Türkiyə haqqında sərt ifadələr işlədib.

Avropa.info xəbər verir ki, iqtisadi forumun Aralıq dənizinin gələcəyi və miqrasiya böhranına dair müzakirə platformasında iştirak edən yunan baş nazir Türkiyə ilə diplomatik gərginlik yaradacaq sözlər deyib:

“2015-ci ildə iqtidara gəldiyimdən bəri sadəcə Yunanıstanın ən pis iqtisadi böhranı və qaçqın böhranı ilə deyil, eyni zamanda Egey dənizində təxmin olunmayan təcavüzkar həmlələr edən aqressiv qonşu ilə məşğul olmaq məcburiyyətindəyik. Avropalı həmkarlarımız Türkiyə kimi aqressiv qonşularla yaşamağın çətinliyini hər zaman təqdir etmir”.

Çipras 2016-cı ildə Türkiyə və AB arasında bağlanan miqrant müqaviləsinin çətin, amma vacib olduğunu bildirib.