Almaniyada Türkiyə səfirliyinə hücum olub. AzEuroNews.com xəbər verir ki, Berlində yerləşən səfirlik binasına yaxınlaşan üzü maskalı 4 nəfər əllərindəki rəngli boya balonlarını binaya çırpıblar. Onlar daha sonra qaçaraq ərazidən uzaqlaşıblar.


Hadisə ilə bağlı dərhal polisə məlumat verilib. Hazırda polis səfirlik binasına hücum edən şəxsləri axtarır. Səfirlikdən verilən məlumata görə isə, hücumçuların PKK terror təşkilatının simpatizanlarının olacağı şübhə edilir. Onların məqsədi də Türkiyə Silahlı Qüvvələrinin hazırda Afrində terrorçulara qarşı davam etdirdiyi hərbi əməliyyata etiraz etmək olub.