Türkiyə İranla əvvəlki həcmdə ticarət edəcək və bununla bağlı heç kim qarşısında hesabat vermək fikrində deyil.

“Report” RİA "Novosti"yə istinadən xəbər verir ki, bunu qonşu ölkənin iqtisadiyyat naziri Nihat Zeybəkçi ABŞ-ın İranla nüvə sövdələşməsindən çıxmasını şərh edərkən deyib.

ABŞ prezidenti Donald Tramp çərşənbə axşamı bildirib ki, ABŞ İranla imzalanan nüvə sazişindən çıxır və ona qarşı sanksiyaları bərpa etməyə hazırlaşır.

"Biz İranla bütün mümkün istiqamətlərdə ticarətimizi davam etdirəcəyik və buna görə heç kimin qarşısında hesabat verməyəcəyik", — deyə Zeybekçi "CNN Turk" telekanalına müsahibəsində bildirib.