Türkiyənin Hərbi Hava Qüvvələri PKK terrorçularının İraqın şimalındakı mövqelərinə zərbələr endirib.

"Report"un məlumatına görə, bu barədə "Anadolu" agentliyi Türkiyə Hərbi Qüvvələrinin Baş Qərargahına istinadən xəbər verib.

Xəbərdə bildirilir ki, zərbələr Hakurk ərazisinə endirilib. Nəticədə terrorçuların sığınacağı və silah anbarı məhv edilib.

Baş Qərargahdan verilən məlumata görə, sığınacaqları məhv edilən terrorçular Türkiyə hərbçilərinə qarşı hücum planlaşdırırmış.