Türkiyə Qəzzada baş verən hadisələrlə əlaqədar 3 günlük matəm elan edib.

Yenicag.az xəbər verir ki, bunu prezident Rəcəb Tayyib Ərdoğan açıqlayıb.

Ölkə başçısının sözlərinə görə, matəm fələstinlilərlə həmrəylik və Qəzzada qarşıdurmalar zamanı həlak olanların xatirəsinə ehtiram əlaməti olaraq elan edilib.

Ərdoğan Qəzzada baş verənlərlə bağlı sərt açıqlamalar da verib. O bildirib ki, İsrail terrorçu dövlətdir və Qəzzada terror həyata keçirir. Ərdoğan İsrail hökumətinin Qəzzadakı hərəkətlərinin soyqırımı olduğunu bəyan edib.