Kredit borcunu zamin ödəyibsə kompensasiya kimə verilməlidir? VİDEO

21-04-2019, 19:57           
Kredit borcunu zamin ödəyibsə kompensasiya kimə verilməlidir? VİDEO
Sumqayıt şəhər sakini uzun müddət zamin durduğu kreditin borcunu ödəyib. Ancaq kompensasiya məbləği həmin şəxsə yox, krediti götürən əsas borcalana veriləcək.

Kredit borcu zaminin kartından çıxılsa da, kompensasiya almaq zamanı gələndə həmin vəsait zaminin yox, əsas borc alan şəxsin hesabına yüklənəcək. Maraqlı vəziyyət Sumqayıt şəhər sakini Vüsal İsgəndərovun başına gəlib. O, zamin kimi ödədiyi kreditə görə kompensasiya almaq üçün banka mrüaciət edib. Bankdan isə bildiriblər ki, pulu almaq üçün krediti ödəyən şəxsin özü gəlməlidir. Onun sözlərinə görə, zamin durduğu kreditə görə indiyə qədər banka 1200 manat borc ödəyib.

Vəkil Anar Ramazanov bildirir ki, kompensasiya məbləğinin əsas borc alana yönləndirilməsi qanuni olaraq düzgün atılan addımdır. Ancaq kompensasiyanın bölüşdürülməsində əsas borc alanla zamin arasında anlaşılmazlıq yaranırsa, bunun hüquqi müstəvidə bir sıra yolları var. Bunlardan biri dərhal məhkəməyə müraciət edərək kompensasiya ödənişinin əsas borc alana verilməsini məhkəmə araşdırması bitənədək dayandırmaqdır.

Anar Ramazanov qeyd edir ki, kompensasiya ödənişindən pay almaq üçün daha bir metod isə əldə olunan maddi sübutlarla ümumi qaydada məhkəməyə müraciət etməkdir.

Qeyd edək, sabahdan etibarən problemli kreditlərlə bağlı kompensasiyaların verilməsinə start verilir və gələn ayın sonuna qədər bu proses başa çatacaq.

шаблоны для dle 11.2













Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.